台語演講

 

《台語演說愛注意的重點佮鋩角》

 

註:以下的資料是參考鄭安住的研習講義所整理

一、演說競賽評判標準佮比賽時間。

1、語音(聲、韻、調):占45%。

2、內容(見解、結構、詞彙):占45%。

3、台風(儀容、態度、表情):占10%。

4、時間:國小學生組、國中學生組4至5分鐘。高中學生組、社會組5至6

   分鐘。教育大學佮大學教育學院學生組、中學教師組、小學教師組7至

   8分鐘。超過抑是不足的時陣,每半分鐘扣分數1分,無到半分鐘,以

   半分鐘來算。

 

二、語音的部分。

1、因為語音占45%,所以上愛注意的就是發音一定愛「正確」(毋是

   「標準」,因為台語佮華語有誠大的無仝,華語有1个標準佇遐,毋過

   台語無,台語就是媠佇遮,台語的語音真多元,佇無仝的所在可能就

   有無仝的用詞佮發音,方音差就是台灣一種寶貴的語文資產)。

2、紲落去就是聲調,演講的聲調毋通自頭至尾攏柴柴,演講的時陣,聲

   調愛配合內容去做變化。歡喜的時陣,講話的速度愛較緊淡薄仔;若

   是悲傷、煩惱的時陣咧?因為佇悲傷抑是煩惱的時陣,你會想代誌,

   你會思考,因為你咧想,所以你的速度一定變慢,聲調嘛會較下,所

   以千萬毋通攏親像咧唸課文仝款。

3、演講的速度愛注意,毋通親像欲去趕火車仝款遐爾緊,這是毋好的代

   誌,評判老師會袂赴思考你所講的內容。演講的時陣若欲感動別人,

   就愛予人聽清楚你的內容,若是遐爾趕會予聽眾佮評判老師誠大的壓

   力,演講的效果就會出問題。

4、閣來就是聲音,演講的時陣,聲音愛響,表示你有把握、誠肯定、誠

   有自信。毋過愛特別注意,毋通傷大聲,若是傷大聲就會造成「

   」,予人聽起來誠袂爽快。

5、演講的時陣若是講到1个坎站,愛小可仔停一下,因為你講足濟物件,

   需要留一寡仔時間予聽眾去思考、吸收。毋過袂使停傷久、定定停,

   按呢顛倒會予人感覺你準備無夠,所以速度的控制嘛是一種技巧,啥

   物時陣愛停、啥物時陣毋通停傷久,攏愛配合講的內容去好好仔安

   排。

6、演講的時陣愛儘量自然,袂使有彼種「演講腔」,就是比賽所用的腔

   口,會予人聽了足袂慣勢。嘛袂使受著「演講」這个名詞的影響,想

   講「演」是欲去表演,其實這个「演」是演繹、推論,愛予人了解題

   目的意思是啥物、有啥物現象、愛按怎做,這才是演講的重點,毋是

   佇台仔頂表演一寡仔佮你的題目無關係的物件。

7、有一寡仔音,台語佮華語無仝款,像講「濁音」的「我」、「夯」

   枷、「囡」仔、「龍眼」、「搝」人客、「五」四三;「肉肉肉」、

   「目眉」、「萬」一、;「鼻音」的「甜」、「煎」茶;「合脣音」

   的「心」、「浸」水、「甘」甜;「入聲音」的二「十」、「彼」

   陣、練「習」,閣有文白音毋通烏白濫,「水滸傳」的水愛讀「suí

   ,毋通讀「tsuí」。

 

、 內容的部分。

1、演講的內容佮語音仝款,嘛占45%,稿的內容上好佮別人無相仝,因

   為題目攏無濟,1个題目攏有真濟人講著,若準寫的內容佮別人攏差不

   多,會予人聽起來感覺真普通、無特色,甚至真無聊,按呢就無法度

   有誠好的分數。譬如講用「感恩的心」來表達「食冰的滋味」,所表

   現出來的闊度就一定比其他顧食冰的人較闊,嘛較有深度,予人感覺

   誠特別,會予人更加認真去聽你的演講,分數自然就會較懸。

2、演講稿的內容愛配合比賽身分的人(國小、國中、高中、教師、社會

   組等)來寫,無仝的身分有無仝的生活世界佮見識,有無仝層次的想

   法,甚至有伊家己的語言,愛徛佇比賽者的角度來思考問題,毋通蹛

   佇台仔頂講一大堆比賽者無可能知影的代誌抑是人生大道理。

3、結構的部分,演講愛親像咧寫文章仝款,愛有「虎頭」、「象腹」、

   「豹尾」。拄仔開始講的時陣愛予對方了解你欲講的題目是啥物,

   「想予清、看予明、講予清楚」才有法度提懸分。「虎頭」就是愛共

   題目講予清清楚楚,親像虎的頭遮爾仔明顯;「象腹」的意思是講內

   容的面向愛闊,譬如講,有古早,有現代;有外國,有台灣;有學

   校,有家庭,予演講內容會當親像象的腹肚遐爾大,遐爾有內才;另

   外嘛愛有「豹尾」,就是講結尾愛有力,利用20秒的時間將演講內容

   作1个整理,予聽眾會當佇短短的時間將你演講的物件閣共組織起來,

   會當認同,甚至支持你的看法。

4、詞彙這部分,演講當中會當講出真正港有台灣味的語詞,像「窮分」

   、「懶屍」、「剾洗」、「橫直」、「糖霜丸」、「綿死綿爛」等,

   因為是參加語文競賽,一定愛發揮語文的特色,所以佇寫稿的時陣,

   儘量加寫寡正港的台語詞彙,按呢才有法度做好語文的傳承。

 

四、儀態的部分。

1、儀態占10分,上台演講愛表現出氣質、充滿自信。演講的時陣一定愛

   看聽眾,這是一種基本的禮貌。若是會當用面部的表情,尤其是目睭

   來加強演講內容,按呢會予聽眾閣較佮意。

2、毋通自頭至尾看天花板抑是塗跤,敢若足歹勢的款,這是無自信的表

   現,按呢較毋好。演講的時手勢嘛莫傷濟,因為是演講比賽,毋是參

   加手語比賽,手部的動作雖然會當加強演講的氣勢,毋過就親像煮物

   件仝款,加一寡仔味素,滋味會較好,加傷濟恐驚就對身體無好。千

   萬毋通佇台仔頂比手畫刀,親像是「保護三藏去取經→著猴」仝款,

   足無自然。

3、人講「好笑神得人疼,得人疼較好家己戇戇咧拍拚」,所以徛佇台仔

   頂毋通面漚面臭。逐家去比賽是去結緣,毋是去結冤仇,無必要激1个

   面腔。閣有,比的動作毋通自頭到尾攏仝款,若無,會予人看起來感

   覺真好笑。

 

◎一寡仔演講稿

演講稿題目 內容 作者、資料來源

一份珍貴的禮物

各位評審、各位來賓,逐家(tak-ke)好,我是第七號,今仔日我所(beh)演講的題目是:一份珍貴的禮物(le-but)

自細漢到tann([現在])(na)(tu)著兒童節、聖誕節,(iah)是我的生日,(long)(ka)爸爸媽媽姑成(koo-tsiann),講我想欲(beh)愛什麼禮物。有時仔因為in(他們)較無閒,無tshua(帶)我去買,(iah)in(他們)會講一(kua)奇奇怪怪的理由,講這無適合(sik-hap)我、先(ka)(khiam)起來做別項用,無欲(beh)(hoo)我,我(long)會真受氣,心內想講,我的爸爸媽媽哪會親像十二月天睏厝頂─tsiah-ni(這麼)凍霜(tang-sng)

Kan-na(只)有一項,阮爸爸足甘開ehe(那)就是買冊。阮(tau)有一面壁是冊櫥仔,(tsiann)面排滿滿,全全攏(long)是冊,毋閣(m-koh)烏矸仔(te)豆油(be)出來,這是有鬥機關的冊櫥仔,若(ka)thuah(拉)出來,內底又閣(iu-koh)冊了了。其中一位是我的區,有歸pho的世界動物圖鑑(too-kam)台灣自然生態(ue)等等。

為著(beh)經營(king-ing)一個好的讀冊環境(khuan-king),爸爸媽媽用心計較,裝潢過的大廳無電視,(phong)椅後壁有一排khng([放])冊的所在,阮會(ka)最近想(beh)看的冊排(ti)hia([那裡]),逐工暗頓(am-tng)食飽,我會急命(kip-mia-mia)走去大廳報到,(king)一本冊,就坐(ti)(phong)頂,一頭nng([鑽])入去冊的世界,我定定(tiann-tiann) (long)會看甲毋知影時間,一直到爸爸媽媽叫我緊去寫功課,才(tsiah)會雄雄(hiong-hiong)精神過來。

我家己上愛看恐龍、動物、蟲仔的冊,毋閣(m-koh)其他方面的,我(ma)足有趣味。我的媽媽是國校老師,三不五時a ui([從])學校借一(kua)繪本轉來(hoo)阮看。爸爸有時去台北出差(tshut-tshai),會順續(sin-sua)買一(kua)特別的冊轉來,有一遍伊買一本冊,叫做「After man」,講人類ui([從])地球消失了後,世界上的動物生做什麼款,相連(sua)一段時間,我頭殼內底(long)tih([在])幻想(huan-siong)未來無人類的世界,用鉛筆(ien-pit)(ka)tsia([這些])動物一隻 一隻 畫出來。

(koh)有一擺,伊買一本「(gin)仔,先(mai) 著急(tioh-kip)食棉糖」(hoo)我,冊皮有一張圖,一個查某(gin) (khia)tiam([在])(整)堆的棉糖頂(kuan),足想(beh)食的款,害我喙瀾(tshui-nua)(beh)tin([流])落來。掀開看,冊內底講著美國Standford(史丹佛)大學 有做一個真心適(sim-sik)實驗(sit-giam)in(他們)(ka)(gin)仔留(ti)房間內,(hoo)in(他們)一人一塊棉糖,in(他們)家己(thang)好決定,看是(beh)(ka)食掉,(iah)是閣(ke)等十五分鐘,(na)是願意(ke)等一下,到時(tsun) (ke)(siunn)伊一塊棉糖。後來in(他們)發現,有耐心、(khing)等待的(gin)仔,大漢了後,無論(ti)功課表現 (iah)是人(kah)人的關係,(long)較贏過 隨就(ka)棉糖食掉的(gin)仔。

有一擺我當tih([在])讀冊的時,爸爸(ka)我講一句話:「加減khioh([撿]),較省(ka)人借?」我問伊khioh([撿])什麼、借什麼?伊(ka)我講:「就是khioh([撿])書本(hoo)咱的智識a!較(be)頭殼內無半(phiat)(koh)愛去四界(si-ke)(ka)人問。」

後來我(tsiah)了解,爸爸媽媽(hoo)的一份珍貴的禮物,(m)是別項,就是永遠無嫌(tse)「智識」啦。我的演講到(tsia)結束,多謝逐家(tak-ke)
 

「台語心世界」部落格

http://ungian.pixnet.net/blog/post/22747460

我的家鄉

各位評判先生、各位來賓,逐家(tak-ke)好,我是第二十一號,我所欲(beh)演講的題目是:我的家鄉。

講著(tioh)阮(gun)家鄉,人人真善良,代代出英雄,逐家(tak-ke)拍拚那(na)活龍,未來的發展歹(phainn)斗量。

北連桃園,南接苗栗,西圍台灣海峽,東旁(peng)大霸尖山,中央(ng)正(tsiann)是一個好山好水、好天氣兼好地理的好所在。

講到遮(tsia),我想逐家(tak-ke)已經知影我的家鄉佇(ti)佗位(to-ui),就是對台灣頭到台灣尾通(thong)人知、風尚(siong)透(thau)的新竹縣。

人講福地福人居,阮(gun)是福人居福地,我的家鄉確確實實是一個充滿福氣的好所在。對海邊到懸(koan)山,有外省、福佬、原住民及(kah)客家,參天(tsham-thian)神木年歲大,古樹老街真出名,點心名產尚(siong)好食(tsiah),等我慢慢仔介紹予(hoo)恁(lin)聽,恁(lin)一定會愛著(tioh)遮(tsia)。

第一有名新竹風,北風吹、不(m)免闖(tsong),烘(hong)衫仔褲尚(siong)好用,閣(koh)吹動濱海公路的白色大風車,咱(?)新竹縣進步腳步向前行(kiann)。

人講有燒香(hiunn)有保庇,新竹才(tsiah)會平安無代誌。新竹的廟真儕(tse),北埔慈天宮、竹北蓮花寺、湖口三元宮, 所有的廟內底逐家(tak-ke)攏(long)知影,新埔的褒忠亭義民廟尚(siong)出名,會當(e-tang)講是全台灣義民廟的總壇,歸(kui)百年以來,就一直是新竹客家重要祭典及(kah)信仰中心,逐(tak)年農曆七月二十的義民節活動,鬧熱滾滾,閣(koh)有比賽神豬,重(tang)甲(kah)有[剩](tshun),連阿扁仔總統的神豬(?)嘛(ma)上(tsiunn)新聞。

新竹廟真靈聖(siann),高樹老街名聲透(thau)京城,湖口老街壁邊用紅磚仔角疊(thiap)做伙,兩旁(peng)是長nng-nng的店面及(kah)徛(khia)家,懸(koan)頂彼(hit)個門尚(siong)美麗,閣(koh)有亭仔腳真好勢,建築尚(siong)[美(sui)]無地尋(tshue),歷史及(kah)藝術的價值,是台灣第一個。

阮(gun)新竹人煮食(tsiah)真厚(kau)工,好食(tsiah)的物(mngh)件足儕(tse)項,客家料理兼油香(phang),點心第一你真內行,南寮漁港海產青(tshinn),蚵仔煎虱目魚糜(mue)是大碗閣(koh)滿墘(kinn),客家囡仔(gin-a)(?)佇(ti)路邊,粿(kue)仔條一盤[滿](tinn)[滿](tinn)[滿](tinn),菜晡(poo)麻糬好食(tsiah)不(m)免錢,新埔柿(khi)餅芳摃摃(phang-kong-kong),是利用自然的新竹風共(ka)柿(khi)仔吹予[乾](ta),做法較(khah)傳統,天然的口味別人歹(phainn)模仿。北埔擂茶用米仔、麻(mua)仔、茶葉、土豆磨(bua)磨咧(leh)泡做茶,[喝](lim)了健康身體好。

新竹好[玩](sng)的所在真儕(tse),愛山的人會使(e-sai)去觀霧看雲海,清泉泡溫泉,愛大海的人會使(e-sai)去港巒(?)欣賞黃昏的日頭,紅毛港(ang-moo-kang)看歸(kui)大片的紅樹林。

佇(ti)每冬四月到七月,油桐花(iu-tang-hue)開甲(kah)滿山坪(phiann),親像[在](teh)飛的白蛾(iah)仔,尚(siong)[美(sui)]的景緻就佇(ti)[那裡](hia),不(m)是我賣茶講茶香(phang),賣花講花紅,我的家鄉是一個真特別的好所在,這兩工仔,歡迎逐家(tak-ke)佇(ti)阮(gun)的家鄉新竹縣四界[逛(seh)][逛(seh)]、行(kiann)行(kiann)、看看咧(leh),多謝逐家(tak-ke)。

 

2008.04.29「台語心世界」部落格

http://ungian.pixnet.net/blog/post/17077319

我尚愛讀的一本冊

各位評審、老師、(gin)仔兄(tak)家好,我是四年信班楊丹宏,今仔日 (beh)講的題目是,我尚愛讀的一本冊,我尚愛讀的一本冊。

頂一(tsam),爸爸買一本「(gin)仔,先(mai)著急(tioh-kip)食棉糖」(hou)我,這是我最近尚愛讀的一本冊。

冊皮有一張圖,一個查某(gin) (khia)tiam([店])(整)堆的棉糖頂(kuan),足想(beh)食的款,害我喙瀾(tshui-nua)(beh)tin(流)落來。掀開看,冊內底講著美國Standford(史丹佛)大學 有做一個真心適(sim-sik)實驗(sit-giam)in(他們)(ka)(gin)仔留(ti)房間內(hou)in(他們)一人一塊棉糖,in(他們)家己(thang)決定,看是(beh) (ka)掉,(iah)是閣(ke)等十五分鐘,(na)願意(ke)一下,到時(tsun) (ke)(siuN)一塊棉糖。後來in(他們)發現,有耐心、(khing)等待(gin)仔,大漢了後,無論(ti)功課表現 (iah)是人(kah)人的關係,(long)卡贏過 隨就(ka)棉糖食掉的(gin)仔。

這本冊利用(khing)的色(ti),用七色的棉糖 來講七段精彩的故事,紅色棉糖提醒咱(ti)考試進前 愛先專心準備功課;柑仔色棉糖 鼓勵咱建立自信;黃色棉糖 教咱愛準時;綠色棉糖 教咱愛好好仔運用私傢(sai-khia)錢。

(sua)落來,藍色棉糖 請咱定一個目標,一步一腳印 向這個目標行過去;青色棉糖 教咱(kah)好朋友交陪(phiat);尚尾仔 茄仔色的棉糖 教咱看著好食物(ho-tsiah-mih)的時 愛知影撙節(tsun-tsat)

我印象尚深的故事是「建立自信的柑仔色棉糖」,主角Jenifer(珍妮佛)的老師 in(他們)班每一個同學 上台(tsiuN-tai)講故事,Jenifer(珍妮佛)想欲(kah)(tak)家分享 爸爸(ka)伊講過的 棉糖的故事,m閣伊m(m-bat)上台(tsiuN-tai)心內會驚惶(kiaN-hiaN);伊的好朋友Lina(莉娜)一直(ka)伊鼓勵,伊家己(ma)認真練習,最後上台(tsiuN-tai)演講,得著(tit-tioh)(tak)家的(phok)仔聲。

這本冊讀了,(hou)我知影 冷靜思考 實在是(tsiok)重要。咱台灣的俗語話講:「食緊弄破碗」,有時陣 著急(tioh-kip)(beh)一項代誌(tai-tsi)(siuN)倉碰(tshong-pong)無好好仔計畫,顛倒會離目標愈遠。另外一句俗語話講:「大隻雞慢啼」,輸贏是看後日,m是短短的目前(bak-tsing)

若準是你,你(kam)(beh) 著急(tioh-kip)(ka)棉糖食食去? 停一下,2秒鐘 我的演講到(tsia)結束,多謝(tak)家聽我講,(lou)力!

 

2008.01.13「台語心世界」部落格

http://ungian.pixnet.net/blog/post/12990191